Sinci Weki

Sinci Weki

Mori do’o labo uma do’o labo ina ra ama

Tiwara dou ma tio tiwara dou dei ma ngoa ra tei

Tiwara dou ma kancara kone mboto rawi ma kancaru

Malaisi mada dei kandoa cua kawara weki ndai

Oru deka lingi edempa doho balingo

Ntanda kalao ade lalai

Na kambala kone ncai ba lampa mbali ncau

Ba kawaraku ngoa ba ama di sancaka uma

Su’upu maja labo dahu

Kakidipu nggahi rawi pahu

Aina turu karawi aina ipi rewo

Kawarapu ruma aina kanaru rima

Kakawarasi ede nanagi ndaina ade

Wunga doho midi mabu ndaina oi mada

Sarumbu bune raboe ba samadaku rawi dabae

Rawiku mancara ro nggahiku ma kancaru

Mboto kangampumu ina ra ama ake anamu ma dacia ima

Mane’e dula ra mbali labo rawi ma dambalu

Dodo ta kangampu ncore samenana ncara ra kancaru

Kombi edempa tapu kaloakura ndadi dou ma tupa

Malang, 20 Januari 2009

Ina

Ina

Macina ade ita ina bune labo oi ani

Maci ma ncewi na lo’i kone ade mada ma ncuwu

Ademu ma nae lembo ti wa’uku raka lambe

Samada ba mada dei ana ma lingi ade dei ita ina

Ka samadasi waca weamu ta’i wunga aipu to’i

Weki ra sarumbu ndei kandeu sarambo

Mboto menaku ndei sune siwi kaimu anamu mangi sone

Bahu ba lembo ade ita ina aka mada doho dei ana

Ti loaku nuntu ili itampa ma teiku nggahi ro eli

Ma teiku ruku ro rawi sampe loa kaiku rewo

Ma teiku maja labo dahu ro kakidi nggahi rawi pahu

Ma teiku sambea ma kantaku mbou

Sara’ana nggahimu ndei wi’i tiloaku nefa samade wa’a

Edempa ndei isi kaiku mori sampe sawa’a maru

Sampe ntauku rena sampe ntaumu wa’irana

Samada kaiku ita ina ma wancu na’e one

Malang, 19 Februari 2010

By: Adianshari